GUSTO MONG MAGING CPA? Read this…

(Pardon the typo errors, I’m not a machine that’s why it’s unavoidable to make mistakes and this is written out of whim so bear with it, hope this will help you in the future J)

Graduate ka na ng BSA? Kala mo tapos na paghihirap mo? Dyan ka nagkakamali tol! Ang totoo nyan simula pa lang yan. Kailangan mo pang mag-exam para maging isang CPA!

No. 1 mong dapat gawin pakagraduate mo ay ang i-assess ang sarili mo.

Bakit ka ba nakagraduate?

1)      Magaling ka talaga! In born talent.

2)      Pagsisikap/Masipag. Ginagawang araw ang gabi sa pagrereview.

3)      Kopya here. Kopya there.

4)      Swerte lang.

San ka sa apat na yan? Kung nandun ka sa una at pangalawa, hindi ka na mahihirapan. Siguradong naretain kahit hindi man lahat ang mga inaral mo nung undergrad. Ngayon kung nandoon ka naman sa tatlo at apat, dun ka may problema. Bakit? Hindi po uubra ang matang lawin at swerte sa actual board exam. Sobrang magkakalayo ang upuan at magkakaiba pa ng set although pare-pareho lang ng tanong, nagkatao lang sa pagkakasunud-sunod.

Pangalawa, ngayong naassess mo na ang sarili mo, its time to decide kung saang review center ka mageenroll. Well, its not a must na magreview center ka, kung alam mo naman sa sarili mo na ready ka na to take the board exam, why not di ba? Pero ayun ay kung ready ka na talaga. Paano ba malalaman kung ready ka na? Mahirap sabihin yun eh, kaya ang gawin mo, try to get a copy of past preboard exams ng kahit anong review center (some of them kasi e lumabas na sa previous actual board exams) then sagutan mo yun, yung pagsagot na para bang actual board na talaga tapos check mo. If you get a grade of 75% above each subject (must be zero base) then you’re ready. But if not, la kang choice, you have to study further either on your own or with the help of a reputable revie school. But I strongly suggest na magenroll ka sa review school, why? Malaking tulong ito, marami kang matutunang techniques na magpapadali sa buhay mo.

Now, anong review center ang dapat mong piliin?

Maraming nagkalat dyan. Andyan ang CPAR, ReSA, PRTC, CRC-ACE at madami pang iba. I personally experienced those the first three review center, yung ReSA and PRTC, nung undergrad ako, it’s part of  our curriculum, then yung CPAR, yan yung review center ko nung gumraduate na ako at nagpreprepare na to take the board. To help you choose, bigyan ko kayo ng short review nung tatlo.

ReSA

Nung undergrad ako, di ko sila naappreciate kasi mdyo maypagkabulakbol ako noong panahon na yon at madalas akong magcut ng klase. Hehe. But according to my classmates, magaling daw reviewers jan, hindi fast pacing at astig daw ang turo what I mean is, maiintindihan mo talaga. Yung mga lesson na hindi mo nagets nung undergrad, magiging sisiw sayo sa review. At ang mas maganda pa daw nyan, gwapo ang reviewer, yung sa aud prob at prac 1 daw, gaganahan ka daw talaga. HAHA!

PRTC

Ito ang review center na bagay sa mga taong tinamad nung undergrad. Yung mga wala masyadong naretain sa utak (sorry kung medyo harsh pagkakasabi ko), at yung mga taong nagaaral lang for the sake of exam or quizzes at pagkatapo nun ay lumalabas na yung info from the brain o yung tinatawag nating may ‘short-term memory’. The best ito para sa inyo. Ituturo nila ang bawat board exam subjects in details. I personally like the reviewers. Magagaling talaga sila, at may sense of humor pa. HAHA. Favorite ko si Atty. Macmod. The best yan promise! Andyan din si Sir De Leon sa prac. 2, isa rin yang komedyante pero astig magturo yan, makinig ka lang makukuha mo yung concept ng topic. Si Sir Ocampo na author ng audprob, reviewer ko naman sa p1 at audprob. He’s good, parang hindi nga lang masyadong tugma sa akin yung style nya. Sanay kasi ako sa Valix-style eh. Hehe. Aud Theory at theory of accounts ni Sir Valdes, isa pa yan sa idol ko, detalyado yan magturo, yung mga kaliit-liitang detalye, itinutoro nya lalo na sa aud theory na sinasabing isa sa pinakamahirap sa actual board exam. Si Atty. Ong ng Law, medyo mabilis magturo pero kung matalas tenga mo at alert ka sa kanya maiintindihan at mamamaster mo ang law, kaya lang medyo aantok antok ako sa klase kaya lumipat ako kay Atty. Lopez kung saan natutunan ko ang mga salitang ‘Carnal Knowledge’ HAHA. At sa MS naman, si Sir Bobadilla na galling pa daw ng ibang planeta ayon kay Atty Mac. Pero dahil naglipat ako ng schedule nun para sakto sa exam naming sa school, nag Sir Tan ako, magaling yan, may kabilisan nga lang. Pero parang wala na ata sya sa PRTC. Ayon medyo humaba yung introduction ko sa PRTC.

CPAR

Kagaya ng tsismis na naririnig nyo, mabilis nga talaga ang turo sa CPAR kaya requirement dito ang magandang foundation, hindi yung ginagamit ng mga babae sa mukha ah, na ginagamit din ng mga binabae o kahit na lalake. HAHA. Joke aside, dapat nga may natutunan kayo nung undergrad para makasunod kayo sa turo dito, one reason kung bakit naglakas loob akong dito ako magenrol e dahil nga naexperience ko na ang prtc at dahil dun narefresh lahat ng alam ko o kahit na yung di ko alam. Pero kagay din ng mga tsismis, maganda ang CPAR, pati yung ambiance nya maganda din perfect para sa mga gusting matulog habang nagkakalase, malamig eh. HAHA. Lakas ng aircon makakatulog ka! HAHA. Hindi biro lang yun, magigising ka nga eh, di ba pag giniginaw ka ng halos manigas ka na sa lamig di ka makakatulog? Ayun yon! Gising ka pag nagkaklase. Pero dun sa mga sanay sa aircon, ayun, sarap matulog. O tama ng joke time, serious mode na tayo. Paano ko bang nasabing the best sa CPAR at the best ang reviewers dito? First-hand experience syempre. Isa-isahin ko mga Reviewer.

Unahin natin sa TOA at P1 since magkasama yang itinuturo sa CPAR which I think is efficient and effective naman kasi if you know the theory, you can solve the problem J

Si Sir Valix ang naging reviewer ko dyan, yung anak ah, hindi yung tatay. “Baby Valix” Kung tawag nung mga reviewees sa kanya. Magaling yan! Co-author eh. Kung master mo na yung reviewer ni Valix, so easy na makinig sa kanya para bang narerefresh na lang utak mo tapos yung mga topics na may pag-aalinlangan o katanungan ka, mabibigyang linaw at kasagutan. Astig noh!

MS- Sir Rodel Roque

Yan ang pinaka paborito ko sa lahat, yung mga AAS at ABS nya sa Standard Costing, malaking tulong yun, hindi lang sa MS pati na rin sa P2, lumalabas din kasi yun sa P2 as part of Cost Accounting. Hanep din yung mga joke nyang pangmatalino! Sasakit tyan mo sa kakatawa pero matututo ka. Part kasi ng lesson yung joke nya, hindi basta joke lang! Basta astig sya! Kahit na lagi nyang nilalaglag ang kapatid nyang si Gerardo ‘Jerry’ Roque.

AUDPROB/AUD THEORY- Jerry Roque

Isa pang patawa yan. Kung magaling ang kuya ganun din ang kapatid. Haha. Sa Theory ko sya mas naappreciate, yung prob kasi basta alam mo yung pasikot-sikot ng p1 ayos na. Sa theory, more on application yung tinuturo nya na inaaply nya rin sa problem kasi para dun sa di pa nakakaalam may theory par ang audprob. Yang Roque brothers nay an at si Sir Ibay, na hindi ko naging reviewer, yan ang mga lucky charm ng CPAR kasi sabi ni Atty. Valix, swerte daw talaga mga dwende! HAHAHA!

BL- Atty Dela Cruz

Ang style nya ituturo nya muna lahat bago magsagot ng handouts. Makinig ka ng husto sa ituturo nya, nandun na lahat ng dapat mong malaman, tandaan mo na lang or mas maganda magtake down notes ka. Hanep yan mag jokes lagging wholesome haha. Yung joke na hindi pwede sa mga menorde edad. Lagi nyang sinasabi na kapag daw BSA graduate, matalino pero pag maganda tourism daw yun. Haha. Pero thanks sa green jokes nya mas maaappreciate mo yung lesson. Nagtuturo din sya ng tax, di nga lang sya yung reviewer ko sa tax.

TAX- Atty. De Vera

Medyo may kabilisan, maaga lagi magdismiss pero ayos naman sya, magaling sya magsalita halata mong abogado. Mahalaga yung mga sinusulat nyan sa board, kaya mas okay kung isusulat mo din, that would serve as your reference, maikli pero halos andun na yung mga dapat mong tandaan.

P2- Sir Brian Lim

Yan ang masasabi kong matalino talaga! Top 1 yan nung May 2007 CPA board exam. Sya yung tipong ibibigay sayo yung mga dapat lagging tandaan, yung frequent errors. Astig! Crush nga yan nung kaibigan ko e. Bata pa sya pero dami na alam. Halatang dedicated sa pagtuturo, isulat mo lang yung mga sinasabi nyang important notes, gagaling ka sa p2. Yung business combi na di mo magets nung undergrad, mamaniin mo yan sa actual board.

O ayan, alam nyo na! Ngayon saan nyo mas gusto? Pasensya na kung medyo may bias, hehe, mas nagtagal lang talaga review ko sa CPAR at dun din ako mas nagimprove kaya may pabor ako sa CPARJ Pero nasa sainyo pa rin yan kung saan nyo gusto, ang mahalaga naman ay ang matuto kayo.

Ngayon, punta na tayo sa mga TIPS para mas mapadali ang pagrereview at masigurong handa kayo pagdating ng board exam.

1. Maglista ng priorities… Dapat nyong bigyan ng mas malaking oras yung subject kung san kayo mahina, wag kayong magfocus dun sa magaling na kayo, oo masarap mag-aral pag gets moa gad pero hindi yun ang punto, oras kalabang mo kaya proper time management ang kailangan.
2. Maglista din ng topics na hindi nyo gamay per subject. E.g. P1- Employee Benefits, P2- Bs. Comb, etc. Isulat nyo sa sticky note o kahit na anumang papel, ibold nyo pagkakasulat tapos idikit nyo sa wall kung sa bahay nyo kung saan ka madalas mag-aral. Bigyan nyo yung ng sapat na oras, wag nyong tigilan hangga’t di nyo namamaster.
3. Pasadahan nyo yung review materials nyo. Unahin nyo muna yung binigay ng review center kung saan ka nakaenrol bago yung sa iba. Ginawa naman talaga yan para maintindihan nyo yung concept kaya it’s a must na mapagaralan nyo yan. Ngayon pag may extra time ka pa, dun mo itry isolve at sagutan ang review materials ng ibag review centers at pati yung mga review books nyo.
4. Wag magmemorize. Kung Gawain nyo yan nung college dahil alam nyong sa mga review books lang kumukuha ang mga prof nyo pag exam, wag na wag nyo yang gagawin sa review. You should know and understand the concept and not memorize the answers! Promise talo kayo pag mahilig lang kayong magmemorize ng mga sagot, yung tipong tatandaan yung problem tapos yung answer dun! Patay ka dyan! Magsolve ka! Alamin mo lagi yung reason behind dun sa mga sagot!
5. Prepare a flash card. Effective yan sa MS dahil madaming formulas ang dapat tandaan.
6. Always assess yourself kung sapat na ba yung ginawa mong aral. Kung sa tingin mo’y di pa at may mga nakakalimutan ka pa. Review mo ulit yung mga nakakalimutan mo! Much better kung isusulat mo sa isang notebook yung mga madalas mong makalimutan, para mabalik-balikan mo pag may time.
7. Never give up.
8. Have a proper rest.
9. Magenjoy pag may extra time, magliwaliw.
10. Lastly and the most important thing is have Faith. Never forget to pray. God will always help you throughout if you’re doing your job to help yourselfJ

What to do a week before the exam?

You’re almost ready to take the exam, ang totoo nyan ready ka na talaga. Kung may pag-aalinlangan ka pa or doubt sa sarili mo, di naman yan maiiwasan, ganyang ganyan din ang naramdaman ko nung magtetake ako. Di mawawala yan, dasal lang ang katapat nyan. Wag kakalimutang magsimba, importante yan pramis! No matter what your religion is.

Mahalagang makapagpahinga kahit na isang araw a week before ng exam. Iwasang magkasakit! Dapat hindi lang ang utak mo ang ready, dapat pati body mo ready din!

Yung sa pagrereview naman, focus on your preweek lectures, pasdahan mo rin yung mga topic na alam mong madalas lumabas sa exams like cost accounting, kundi sa ms, madalas yang lumabas sa p2.

Wag kayong papauto sa mga tsismis na kapag toa sac par, p2 resa, aud theory sa prtc, etc. Although minsan totoo pero please lang mga tsong, gaya ng sabi ko wag magmemorize! Ang mahalaga kasi dyan alam mo yung concept para kahit paikot-ikutin ang tanong, hindi ka maliligaw ng landas.

Wag kang mataranta kung feeling mo, di mo pa kaya. Pagnilayan mo at pag-isipan ng mabuti kung kaya mo na ba talaga o kulang pa ang aral mo? Kung sigurado ka ng kaya mo, then Godbless pero kung sa tingin mo, di pa pwede, take a risk! Ayo lang kung di mo pa makuha sa ngayon, atleast next time alam mo na gagawin mo at alam mo na ang mga pagkukulang moJ Andwho knows baka akala mo lang na di mo pa kaya, kinakabahan ka lang pala!

A Day Before the Exam

Mas nararamdaman mo na ba ang kaba? Normal lang yan. Yung kabang yan, sign yan na excited ka kasi papas aka na!

Iwasang kumain ng mga pagkaing d type ng tyan mo! Mahirap na baka madisgrasya ka sa exam! Di pa naman nagpapalabas hangga’t di pa lumilipas ang isang oras after magstart, buti sana kung before mo yan maramdaman e paano kung during? Tsk. Tsk.

Di ka makatulog? Siguro sobrang excite ka. Pero sikapin mo pa ring matulog J Kailangan mo ng energy para bukas.

Nagrereview ka pa rin? Oks lang yan, kung yan ba ang style mo eh. But remember to not overdo yourself.

Oh, hinanda mo na ba ang mga dapat mong dalhin? NOA, Official receipt, 2 or more No. 2 pencils, black ballpen, transparent and brown envelope.

Yan handa ka na! Ops teka! Pray. Lagi nating kailangan nyan.

Exam na!

Mental block? Oh No! Itaob mo muna yung questionnaire then close your eyes. Ask for divine intervention! Effective di ba?

Di mo talaga alam yung question? Skip mo muna, dun ka muna sa mga alam mo, balikan mo na lang pagkatapos mong sagutan ang lahat. Oops, la ng time, wala ka pang sagot sa iba? Magshade ka na! Don’t worry sa pagsheshade, its alright to erase if it is inevitable basta malinis ang pagkakabura, wag bubtasin yung answer sheet, pero careful pa din, hangga’t maiiwasan, avoid erasures para sigurado lang. Woah, may mga blanko pa la na time! Never leave it blank, gamitin ang power ng tsamba! Shade the letter na feeling mo tama! ;-) Kung may time ka pa review mo sagot mo before you shade baka may naoverlook ka eh! Try counting your answers that you’re very sure of. Lampas 75% Congrats! Pasado ka sa subject nay an! There are rumors na nagsasabing di daw talaga zero-base ang boa pero mas okay pa din na iassume mo na zero base sila. Kung hindi pasok sa 75% ayos lang yan , at least 65%. Kung di pa rin, ayos pa din yan, think positive, yung sure mo lang naman binilang mo di ba . Yung hindi mo sure, there’s still a 25% chance na tama yun. Why 25%? Kasi there are four letters in every problem, 1 out of 4 is 25%, unless naeliminate mo na yungalam mong mali sa choices, e di 50% na yung chance mo!

After taking the Seven subjects. Yes! Success! Don’t feel down. You don’t know the result yet. Always look for the bright side. Akalain mo nairaos mo yung cpa board exam na sinasabing isa sa pinakamahirap na board exam sa pinas? Astig ka na nun! Icongratulate mo na sarili mo! Pero syempre, isa lang naman ang gusto nating lahat! Ayun ay ang pumasa! Well, let’s leave it to God. Ginawa na natin part natin, sya nang bahalang magdecide. But always remember na kahit anuman ang maging resulta as long as we did our best, wala tayong pagsisihan, at kung hindi man natin makuha sa ngayon, isipin natin nab aka hindi pa ito yung tamang panahon, baka may mas magandang plano sa atin si God. And never lose hope, madami pang pagkakataon! Pero for now, CongratsJ

----

BONUS TIPSJ

What to expect from each subject?

1. Theory of accounts -Masterin nyo yung TOA ni Valix pramisJ
2. Auditing Theory –Quite hard and tricky. Try to read PSAs if you have time.
3. MS –Mas mahirap to kesa sa inaasahan mo! Pramis! Kaya masterin mo yung pasikot-sikot every topic. Maraming theories, kaya basa-basa din pag may time ng theories.
4. P1 –Valix-type yung style ng problems J
5. AP –Madali lang yan pramis, kapag di mo makuha ang sagot, may mali sa tanong nyan or wala sa choices yung tamang sagot!
6. P2 –Aralin nyo lahat pero focus kayo sa Cost Accounting pati Forex, madaming lumalabas na ganyan. Sa Gov’t acctng naman and Not-for-profit org, focus kayo sa entries.
7. BLT –Magugulat kayo sa lalabas, di nyo inaasahang ganun. Mapapa “Yun na yun?” kayo pramis. Basic na basic, especially yung problem sa tax. Aralin nyo lang yung basics ng income, estate at donor’s tax. Yung theories, yakang-yaka na yun. Yung BL lang medyo nakakalito, kaya kaylangan din ng kauntig memorization J

GOD BLESS!!! You can do it baby!

I’ll post an article about my own experience during my review and during the actual board na din next time to inspire you! Hehe. And tips kung gusto nyong mag top although ordinary passer lang ako!

Nga pala kakapasa ko lang ngayong October 2013! Hehe. It really feels good nung makita ko yung name ko dun sa list of passers! Parang nasa cloud 9!

Paunawa lang po! Walang nagbayad o nagutos sa akin para gawin ang article na ito. Ginawa ko to para matulungan kahit papano yung mga aspiring CPAs, dahil tulad nyo, minsan din akong nangarap at yung feeling na natupad mo na yung pangarap mong yun, sobrang overwhelming! And I want you to feel this way too!